ავარია სამტრედიის ქუჩაზე - დაშავებულია ერთი ადამიანი
ავტოსაგზაო შემთხვევა თბილისში - გვიან ღამით სამტრედიის ქუჩის ასახვევთან მაღალი სიჩქარით მოძრავი ავტომობილი ბოძს შეეჯახა. ავარიის შედეგად დაშავებულია ერთი ადამიანი, რომელიც საავადმყოფოშია გადაყვანილი.
როგორც შსს-ში განაცხადეს, საქმე აღძრულია სისხლის სამართლის კოდექსის 276-ე მუხლის პირველი ნაწილით, რაც გულისხმობს სატრანსპორტო საშუალების ექსპლუატაციის ან უსაფრთხოების წესის დარღვევას, რამაც გამოიწვია ჯანმრთელობის მსუბუქი დაზიანება.
