თბილისში ვიზიტად ევროსაბჭოს გენერალური მდივნის მოადგილე და ბულგარეთის საგარეო საქმეთა მინისტრი იმყოფებიან. ვიზიტის ფარგლებში დაგეგმილია შეხვედრები საქართველოს პრეზიდენტთან, პრემიერთან, პარლამენტის თავმჯდომარესთან და საგარეო საქმეთა მინისტრთან.

"სამოქმედო გეგმა საქართველოს დემოკრატიულ პროცესთან დაკავშირებულ მნიშვნელოვან საკითხებს შეეხება. ჩვენ ვფიქრობთ, რომ პროცესი კარგად მიმდინარეობს და მხარდაჭერას იმსახურებს. ჩვენთვის, ისევე როგორც საქართველოსთვის, ეს ძალიან მნიშვნელოვანი ინვესტიციაა. გვსურს, ერთად საუკეთესო შედეგს მივაღწიოთ. მივესალმებით ყველაფერს, რაც შეიძლება გაკეთდეს პროცესის, მათ შორის ვიზა ლიბერალიზაციის გასამარტივებლად საქართველოსა და შენგენის ზონის ქვეყნებს შორის. არსებობს პირობები, რომლებიც უნდა შესრულდეს. სწორედ ამიტომ, რეფორმების ის პროცესი, რომლებსაც შემდეგი 4 წლის განმავლობაში ახალი სამოქმედო გეგმა ითვალისწინებს, ძალიან მნიშვნელოვანია," - განაცხადა ევროსაბჭოს გენერალური მდივნის მოადგილემ, გაბრიელა ბატაინი დრაგონიმ.