,,საპარლამენტო არჩევნებზე საზოგადოება საბოლოოდ გასცემს პასუხს მათ, ვისაც არ უნდა საქართველო ევროპაში“ , - ამის შესახებ “თავისუფალი დემოკრატების“ ლიდერმა, ირაკლი ალასანიამ განაცხადა. მისივე თქმით, ნატო არის უსაფრთხოების ის ორგანიზაცია, რომლის წევრები მეორე მსოფლიო ომის მერე მშვიდობიანად ვითარდებიან.

„ნატო  არის ის უსაფრთხოების ორგანიზაცი,რომლის წევრებიც მეორე მსოფლიო ომის მერე მშვიდობიანად ვითარდებიან, მათზე თავდასხმა არ მომხდარა. ნატო ყველაზე წარმატებული სამხედრო პოლიტიკური ალიანსია და სვლა ამ ალიანსისაკენ ჩვენს უსაფრთხოებას ხელს შეუწყობს. კითხვის ნიშნები მთავრობის კურსის შესახებ უკვე ორი წელია, გაჩნდა და მგონია, რომ  2016 წლის საპარლამენტო არჩევნებში საზოგადოება საბოლოოდ გასცემს პასუხს მათ, ვისაც არ უნდა საქართველო ევროპაში”, - განაცხადა ირაკლი ალასანიამ.