პარლამენტის თავმჯდომარე, დავით უსუფაშვილი საქართველოში ოფიციალური ვიზიტით მყოფ ჩეხეთის რესპუბლიკის პარლამენტის წარმომადგენელთა პალატის თავმჯდომარეს, იან ჰამაჩეკს შეხვდა.

მხარეებმა ორ ქვეყანას შორის ურთიერთობისა და საპარლამენტთაშორისო თანამშრომლობის გაღრმავებაზე, ასევე, საქართველოს ევროპულ და ევროატლანტიკურ ინტეგრაციაზე ისაუბრეს. როგორც იან ჰამაჩეკმა აღნიშნა, საქართველომ ვიზალიბერალიზაციის სამოქმედო გეგმით ნაკისრი ყველა ვალდებულება წარმატებით შეასრულა და დროა, პირობა შეასრულოს ევროპამაც. იან ჰამაჩეკის განცხადებით, საქართველოს, მისი ქვეყნის სახით, ერთგული მეგობარი და პარტნიორი ჰყავს. მხარეებმა განიხილეს საქართველოსა და ჩეხეთის რესპუბლიკას შორის ეკონომიკური და სავაჭრო ურთიერთობების გაღრმავების საკითხიც.