საქართველოს პრეზიდენტი მიიჩნევს, რომ არჩევნებზე წასვლა აუცილებელია, რათა ადამიანებმა ხელი არ მოაწერონ მონობას. თბილისის პირველ სკოლაში, საჯარო ლექციაზე გიორგი მარგველაშვილმა ე.წ გადაუწყვეტელ ამომრჩეველზე ისაუბრა.

„60 % მეტი ამბობს, რომ არჩევნებზე არ აპირებს მისვლას. რეალურად ეს ხალხი ხმას აძლევს შავბნელ ძალას, რომელიც მას სამართავად გამოიყენებს. მერე ეს ძალა მოგვიბრუნდება და გვკითხავს, რა ნიშნით მთხოვ დემოკრატიას? რა ნიშნით მთხოვ მედიის თავისუფლებას? შენ არაგირჩევივარ მე. იმის მიუხედავად, მოგვწონს თუ არა ესა თუ ის პოლიტიკოსი, ის უნდა ვაიძულოთ, ჩვენ სასარგებლოდ იმუშაოს. საარჩევნოდ ყველა პოლიტიკოსი მზად არის, ისაუბროს, ამიტომ ხალხმა უარი კი არ უნდა თქვას მასთან საუბარზე, არამედ უნდა დაუჯდეს და ალაპარაკოს - რის გაკეთებას აპირებს, უნდაალაპარაკოს არა ლოზუნგებით, არამედ უნდა ჰკითხოს, რას აპირებს, როგორ აპირებს. მაგრამ, თუ ასე არ გააკეთებს და, უბრალოდ, უარს იტყვის არჩევნებზე წასვლაზე, მაშინ ის მოაწერს ხელს უუნარობას. სახლში დაჯდომით ის ხელს აწერს მონობას“, - განაცხადა პრეზიდენტმა