2016 წლის საპარლამენტო არჩევნების  ოფიციალური კამპანია 8 ივნისს დაიწყება,-  ამის შესახებ საქართველოს პრეზიდენტმა გიორგი მარგველაშვილმა განაცხადა.

მისი თქმით, დღეს იგი შეხვდა საქართველოს პრემიერ-მინისტრ გიორგი კვირკაშვილს და პარლამენტის თავმჯდომარეს, დავით უსუფაშვილს.

მისივე თქმით, შეხვედრაზე ისაუბრეს საარჩევნო პროცედურებთან დაკავშირებით.

„როგორც საზოგადოებისთვის ცნობილია, შეთანხებული ვართ არჩევნების თარიღზე და ეს არის უცვლელი. რაც შეეხება კამპანიის დანიშვნის გამოცხადების თარიღს, მივედით კონსენსუსამდე, შევაჯერეთ პოზიციები შევთანხმდით, რომ კონტრასიგანცია 8 ივნისს მოხდება, რაც ნიშნავს იმას, რომ საარჩევნო კამპანია 4 თვის განმავლობაში გაგრძელდება“, - განაცხადა გიორგი მარგველაშვილმა.