თბილისის საქალაქო სასამართლოში ე.წ. კაბელების საქმის განხილვა დასრულდა. მოსამართლე განაჩენის გამოსატანად არის გასული, თუმცა უცნობია, როდის გამოცხადდება განაჩენი. 

როგორც „თავისუფალი დემოკრატების“ ლიდერმა, ირაკლი ალასანიამ სხდომის დასრულების შემდეგ ჟურნალისტებს განუცხადა, დღეს ძლიან ემოციური სხდომა იყო. ლასანიას იმედი აქვს, რომ  სასამართლო მიიღებს სწორ და სამარათლიან გადაწყვეტილებას.

“იმედი მაქვს, სასამართლოზე ივანიშვილი ვერანაირ ზეწოლას ვერ მოახდენს რადგან სასამართლოშიც არიან კეთილსინდისიერი ადამიანები. ეს ქვეყანა ჩალით არ არის დაფარული და სამარათლიანობა იზემებს“, - განაცხადა ალასანიამ.

ე.წ. კაბელების საქმეზე ხუთი ბრალდებულია - ნუგზარ კაიშაური, დავით წიფურია, არჩილ ალავიძე, გიორგი ლობჟანიძე და გიზო ღლონტი. გამოძიება მათ თანხების გაფლანგვას ედავება. კაბელების საქმის სასამართლო განხილვა დასრულდა, სხდომა დღეს ერთი საათის განმავლობაში მიმდინარეობდა. სასამართლო სხდომაზე ხუთივე ბრალდებულმა სააბოლო სიტყვა წარმოთქვა. ამის შემდეგ მოსამართლე სათათბიროდ გავიდა. როგორც ბრალდებულები ამბობენ, იმედი აქვთ, რომ მოსამართლე სწორ და სამართლიან გადაწყვეტილებას გამოიტანს. ხუთივე ბრალდებული გირაოს სანაცვლოდ არის გათავისუფლებული.