გურჯაანში პოლიციის ეკიპაჟს ცეცხლი გაუხსნეს
გურჯაანში პოლიციის ეკიპაჟს ცეცხლი გაუხსნეს. შემთხვევა გუშინ, გვიან ღამით მოხდა.
ბრალდებული შემთხვევის ადგილიდან მიიმალა, მას ამ დრომდე ეძებენ.
სროლის შედეგად არავინ დაშავებულა.
მომხდარზე აღძრულია სისხლის სამართლის საქმე, გამოძიება 353-ე მუხლით მიმდინარეობს, რაც პოლიციის მუშაკის ან ხელისუფლების სხვა წარმომადგენლის მიმართ, წინააღმდეგობა საზოგადოებრივი წესრიგის დაცვისათვის ხელის შეშლას და მისი საქმიანობის შეწყვეტას გულისხმობს.
