სტამბულში კიდევ ერთი აფეთქება მოხდა - არიან დაშავებულები
ოთხი ადამიანი დაშავდა სტამბულში მომხდარი აფეთქების შედეგად. სააგენტო Anadolu-ს ცნობით, აფეთქება მალტეპეს რაიონში მოხდა. გავრცელებული ინფორმაციით, ბომბი ხიდის ქვეშ დატოვებულ პაკეტში იდო.
ტერაქტზე პასუხისმგებლობა ჯერჯერობით არცერთ დაჯგუფებას არ აუღია. ინციდენტის ადგილზე სამართალდამცვი ორგანოები მუშაობენ.
უკანასკნელ პერიოდში სტამბულში ტერაქტების რაოდენობა მკვეთრად გაიზარდა. ბოლო შემთხვევა 12 მაისს მოხდა, როდესაც დანაღმული ავტომობილის აფეთქების შედეგად რვა ადამიანი დაშავდა, მათ შორის ხუთი სამხედრო.
