“თავისუფალი დემოკრატები” მასშტაბურ აქციებს გამართავენ
”თავისუფალი დემოკრატები” კაბელების საქმესთან დაკავშირებით შაბათს მასშტაბურ აქციას გამართავენ. ამის შესახებ რუსთავი 2-ს პარტიიდან ინფორმირებულმა წყარომ აცნობა.
გადაწყვეტილება პარტიის წევრებმა დღეს, სასამართლო პროცესის დასრულების შემდეგ მიიღეს და აქციების შესახებ განცხადების გაკეთებას დღეს 3 საათზე დანიშნულ ბრიფინგზე გეგმავენ.
აქციაში მონაწილეობას პარტიის მხარდამჭერები რეგიონებიდანაც მიიღებენ.
აქცია თბილისში პროკურატურის შენობასთან გაიმართება. რის შემდეგაც იგეგმება მსვლელობა მთავრობის კანცელარიასთან.
