ბათუმში, ერისთავის ქუჩაზე კეთილმოწყობის სამუშოები მიმდინარეობს. როგორც ბათუმის მერიაში განმარტავენ, ტერიტორიაზე უკვე მოეწყო საკანალიზაციო და სანიაღვრე სისტემები და გარე განათება. გზის სავალ ნაწილზე დაიგო ასფალტის საფარი. ამ ეტაპზე მიმდინარეობს ბორდიურებისა და ტროტუარების მოწყობის სამუშოები. გზის სავალ ნაწილზე მოეწყობა გამყოფი ზოლი. ერისთავის ქუჩის კეთილმოწყობა წლის ბოლომდე უნდა დასრულდეს.
აღნიშნული სამუშოები ბაგრატიონისა და ერისთავის ქუჩების რეკონსტრუქციის პროექტის ფარგლებში მიმდინარეობს. სამუშოებს ტენდერში გამარჯვებული კომპანია ,,გზა“ ასრულებს, რისთვისაც ბიუჯეტიდან 13 მილიონ 300 ათასი ლარია გამოყოფილი.