ეგვიპტის პრემიერი EgyptAir-ის თვითმფრინავის ბორტზე ტერაქტს არ გამორიცხავს
ეგვიპტის პრემიერ-მინისტრი შერიფ ისმაილი ავიაკომპანია EgyptAir-ის გაუჩინარებული თვითმფრინავის ბორტზე ტერაქტს არ გამორიცხავს.
პრემიერმა ჟურნალისტებს განუცხადა, რომ ”თვითმფრინავის გაუჩინარების მიზეზებზე საუბარი ჯერ ადრეა,” თუმცა აღნიშნა, რომ ბორტზე ტერაქტის შესაძლებლობას არ გამორიცხავს.
ეგვიპტის ავიაკომპანია EgyptAir-ის სამგზავრო ლაინერი რადარებიდან ხმელთაშუა ზღვის თავზე გაქრა. თვითმფრინავი პარიზი-კაიროს რეისს ასრულებდა, ბორტზე 66 მგზავრი და ეკიპაჟის წევრები იმყოფებოდნენ.
ეგვიპტური მედია ავიაკომპანიის წყაროზე დაყრდნობით წერს, რომ თვითმფრინავი ხმელთაშუა ზღვაში ჩავარადა.
