საფრანგეთის პარტიის ”ეროვნული ფრონტის” ლიდერი მარინ ლე პენი აცხადებს, რომ პრეზიდენტად არჩევის შემთხვევაში მზად არის აღიაროს რუსეთის მიერ ყირიმის ანექსიის კანონიერება. ”მე ამის შესაძლებლობას ნათლად ვხედავ. სრულიად შესაძლებელია, რომ საფრანგეთმა აღიაროს ყირიმი რუსეთის შემადგენლობაში, როდესაც საფრაგეთის პრეზიდენტი გავხდები”, - განაცხადა ლე პენმა RT France-თვის მიცემულ ინტერვიუში.

მისი თქმით, დასაწყისშივე ”ეროვნული ფრონტი” რუსეთის მიმართ სანქციების დაწესების წინააღმდეგი იყო.  

2016 წლის თებერვალში მარინ ლე პენმა განაცხადა, რომ 2017 წლის საპრეზიდენტო არჩევნებში მონაწილეობას მიიღებს. სხვადასხვა გამოკითხვის თანახმად ის თავის მთავარ მოწინააღმდეგეს რესპუბლიკელ ალენ ჟიუპეს ბევრად ჩამორჩება.