რეკორდული ტემპერატურა +51 გრადუსი დაფიქსირდა ინდოეთის რაჯასტანის შტატის ქალაქ ფხალოდიში.

წინა რეკორდი ეკუთვნის 1956 წლის ზაფხულს, როდესაც იმავე შტატის ქალაქ ალვარში თერმომეტრმა +50.6 გრადუსი აჩვენა.

Hindustan Times-ის ინფორმაციით, რეკორდული ტემპერატურა დაფიქსირდა რაჯასტანის სხვა ქალაქებშიც, ასევე გუჯარათის შტატშიც.

ინდოეთის მეტეოროლოგიური დეპარტამენტის განცხადებით, უახლოეს დღეებში სიცხე კიდევ უფრო გაძლიერდება. ჩრდილეო-დასავლეთ შტატებში საფრთხის მაჩვენებლი ”წითელ დონეზეა” შენარჩუნებული, ქვეყნის ამ ნაწილში ტემპერატურა +47 გრადუსს გადააჭარბებს.

ხელისუფლება ძლიერი სიცხით გამოწვეული გარდაცვალების შემთხვევების სტატისტიკას არ აქვეყნებს, თუმცა მედია ასობით დაღუპულის შესახებ იტყობინება.