ევროპარლამენტის კიდევ ერთი პოლიტიკური გაერთიანების, ლიბერალ-დემოკრატების ალიანსის, ALDE ჯგუფის შეფასებებს ქართველი კანონმდებლები ეხმაურებიან. დეპუტატების თქმით, ევროპელი კოლეგების მიერ გაკეთებული შენიშვნები, მათ შორის მედიის თავისუფლების მისამართითაც, საქართველოს მთავრობამ აუცილებლად უნდა გაითვალისწინოს.

„ჩვენ თვითონაც უნდა ვაკონტროლოთ ქვეყანაში გამოხატვის თავისუფლების დაცვის ხარისხი და ნებისმიერი ტელევიზიას, მათ შორის რუსთავი 2-საც უნდა ქონდეს შესაძლებლობა დაუბრკოლებლად მუშაობდეს და არავითარი სასამართლო დავა მის საქმიანობას არ უნდა აფერხებდეს,“ - აცხადებს უმრავლესობის წარმომადგენელი თამარ კორძაია.  

ALDE ჯგუფი ხელისუფლებას საარჩევნო სისტემის დროული რეფორმირებისა და სასამართლოს მიუკერძოებლობის უზრუნველყოფისკენ მოუწოდებს. მათი შეფასებით, 2016 წლის არჩევნები ხელისუფლების ტესტი იქნება, სადაც ხელისუფლება დემოკრატიის დონით და მედიის თავისუფლების ხარისხით შეფასდება.