,,ქართული ოცნების” მიერ  ზონდერებად მოხსენიებული სპორტსმენები ხელისიფლებას ცილისწამებაში ადანაშაულებენ. ილია მარტყოფლიშვილი, თეიმურაზ ლუტიძე და ანრი ბიჩენოვი პარტიის შტაბში გამართულ ბრიფინგს გამოეხმაურნენ.

მათი განცხადებით, მთელი დღის განმავლობაში თბილისში იმყოფებოდნენ და სამეგრელოში მომხდარი ამბების შესახებ მხოლოდ ტელევიზიიდან შეიტყვეს.

ისინი პოლიციის განყოფილებაშიც იმყოფებოდნენ, სადაც განაცხადეს, რომ მთელი დღის განმავლობაში დედაქალაქი არ დაუტოვებიათ და მათ შესახებ გავრცელებული ინფორმაცია, რომ ისინი კორცხელში მომხდარი ინციდენტის მონაწილეები იყვნენ, სიცრუეა.

მათივე თქმით, ბევრი მოწმე არსებობს, რომელიც მათ ნათქვამს დაადასტურებს.

შეგახსენებთ, პარტია „ქართული ოცნების“ პოლიტიკური საბჭოს წევრმა მამუკა მდინარაძემ ზუგდიდის მუნიციპალიტეტ სოფელ კორცხელში მომხდარი დაპირისპირების მონაწილე პირები დაასახელა. ამასთან, პარტიის ცენტრალურ ოფისში გამართულ პრესკონფერენციაზე მამუკა მდინარაძემ მედიას შესაბამისი ფოტო მასალა წარუდგინა.

მისი თქმით, ზონდერ ჯგუფის წევრები, რომლებიც ზაზა კედელაშვილის მეთვალყურეობით,

“ნაციონალური მოძრაობის“ ლიდერის გიგა ბოკერიას მითითებით არეულობის მოწყობას გეგმავდნენ არიან: 1. რუსლან შამახია- სამეგრელოს კუდის ყოფილი უფროსი 2. ვლადიმერ სხულუხია – თავისუფალი ზონის წევრი, 2012 წლამდე მუშაობდა ზუგდიდის საკრებულოში. 3. თენგიზ ჭანია -ზონდერი 4. ანრი ბიჭინოვი 5. ილია მარტყოფიშვილი 6. ირაკლი ჭანტურია 7. თეიმურაზ ლუტიძე“,-განაცხადა მამუკა მდინარაძემ.