შს მინისტრის გიორგი მღებრიშვილის განცხადებით, მისი უწყება მალე მიმართავს სასამართლოს, რომ გასცეს განჩინება კორცხელის ინციდენტში იდენტიფიცირებული პირების დასაკავებლად.

"არსებობს შესაბამისი სამართლებრივი პროცედურები, რომლებიც აუცილებლად დაცული უნდა იყოს. მიმდინარეობს ინტენსიური გამოძიება, დაიკითხნენ მოწმეები, დანიშნულია ექსპერტიზები. მე მოვუწოდებ ინციდენტში მონაწილე მხარეებს, რომ ნუ შემოიფარგლებიან მხოლოდ სატელევიზიო განცხადებებით და ითანამშრომლონ აქტიურად გამოძიებასთან, იმისთვის რომ დროულად მოხდეს სამართლებრივი შეფასება. უახლოეს დღეებში თუ არა საათებში, ჩვენ მივმართავთ სასამართლოს, რომ გასცეს განჩინება იმ პირების დასაკავებლად, რომლებიც იდენტიფიცირებულები არიან უკვე და დაველოდოთ გამოძიების დასრულებას", - განაცხადა გიორგი მღებრიშვილმა და დასძინა, რომ შესაძლოა, გამოძიება, რომელიც  სისხლის სამართლის კოდექსის 125-ე მუხლით მიმდინარეობს, გადაკვალიფიცირდეს.