აზერბაიჯანის მოქალაქე ვაზნების უკანონოდ შემოტანას შეეცადა
შემოსავლების სამსახურის ინფორმაციით, 15 ცალი საბრძოლო ვაზნის შემოტანას შეეცადა საბაჟო გამშვები პუნქტის, „სარფის“, გავლით საქართველოს ტერიტორიაზე თურქეთის მხრიდან შემოსული აზერბაიჯანის მოქალაქე გ.ბ.
შემოსავლების სამსახურის მებაჟე ოფიცრებმა ვაზნები 8 ოქტომბერს, ეჭვის საფუძველზე მგზავრის ხელბარგის დათვალიერების შედეგად, მის ხელჩანთში აღმოაჩინეს.
საქმე შემდგომი რეაგირების მიზნით გადაეცა საქართველოს შსს აჭარის ავტონომიური რესპუბლიკის მთავარი სამმართველოს ხელვაჩაურის რაიონულ სამმართველოს.