სულ მცირე 23 ადამიანი დაიღუპა რუსეთის სამხედრო ავიაციის მიერ სირიაში ამბოხებულების კონტროლირებადი ქალაქის - იდლიბის დაბომბვისას. ამის შესახებ ინფორმაციას ლონდონში ბაზირებული ადამიანის უფლებათა მონიტორინგის ცენტრი ავრცელებს.

როგორც ”ბი ბი სი” იუწყება, ცენტრის ინფორმაციით, ეს ყველაზე მსხვილმასშტაბიანი დაბომბვაა თებერვლის შემდეგ, როდესაც ცეცხლის შეწყვეტის შეთანხმება გაფორმდა.

ცენტრის აქტივისტების მონაცემებით, ერთ-ერთი ჭურვი საავადმყოფოს მოხვდა. ცენტრის ხელმძღვანელის რამი აბდულრახმანის თქმით, დაღუპულთა შორის შვიდი ბავშვია, მისივე თქმით,  ავიადარტყმების მსხვერპლთა რაოდენობა შესაძლოა კიდევ გაიზარდოს. აღნიშნულ ინფორმაციაზე რუსულ მხარეს კომენტარი არ გაუკეთებია.

სირიის ოპოზიცია და საერთაშორისო კოალიცია აცხადებს, რომ რუსეთის ავიადარტყმები ძირითადად ოპოზიციის წინააღმდეგაა მიმართული, თუმცა რუსეთი ბრალდებებს უარყოფს და აცხადებს, რომ ავიაიერიშებს მხოლოდ დაჯგუფება ”ისლამური სახელმწიფოს” წინააღმდეგაა მიმართული.

საომარი მოქმედებების შეწყვეტის შეთანხმება რუსეთისა და აშშ-ის შუამავლობით 27 თებერვალს შედგა.

დაზავების პირობებია არ ვრცელდება ექსტრემისტულ დაჯგუფებებზე, მათ შორის ”ისლამური სახელწმიფოზეც”.