ბელგიაში სარკინიგზო ავარიას 3 ადამიანი ემხვერპლა, 40-ზე მეტი კი დაშავდა
სულ მცირე სამი ადამიანი დაიღუპა და 40-ზე მეტი დაშავდა ბელგიაში სამგზავრო და სატვირთო მატარებლების შეჯახებისას.
გამოცემა Belga-ს ინფორმაციით, სარკინიგზო ავარია ლიეს პროვინციაში მოხდა. ბელგიის რკინიგზის დეპარტამენტის განცხადებით, სამგაზვრო მატარებელი სატვირთო შემადგენლობის ბოლო ვაგონს დაეჯახა, რის შედეგადაც ორი სამგზავრო ვაგონი რელსებიდან გადავიდა.
ადგილობრივი ხელისუფლების წარმომადგენელთა განცხადებით, შეჯახება ძალიან ძლიერი იყო. მომხდარის მიზეზები ჯერჯერობით უცნობია. შემთხვევის ადგილზე საგანგებო სამსახურები მუშაობენ.
