თბილისში ავტოავარიას ერთი ადამიანი ემსხვერპლა
თბილისში მომხდარ ავარიას მსხვერპლი მოჰყვა. ოლიმპიური ქალაქის მიმდებარე ტერიტორიაზე ერთმანეთს 5 მანქანა შეეჯახა, რის შედეგადაც მამაკაცი გარდაიცვალა.
შემთხვევა წუხელ მოხდა. ადგილზე საპატრულო პოლიციის ეკიპაჟები და სამაშველო ჯგუფები იყვნენ მობილიზებული.
შსს-ს განცხადებით, საქმეზე სისხლის სამართლის კოდექსის 276-ე მუხლის მე-5 ნაწილით მიმდინარეობს გამოძიება, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
