გვირჩიეთ, როგორ მოვახერხოთ, მეხსიერება გვქონდეს შერჩევითი და როგორ დავივიწყოთ მურუსიძე და გვახსოვდეს გვარამია

- ამ კითხვით მიმართა ჟურნალისტმა ნინო ჟიჟილაშვილმა ექს-პრემიერ ბიძინა ივანიშვილს ტელეჟურნალისტებთან შეხვედრაზე.

ყოფილი პრემიერის თქმით, იუსტიციის უმაღლესი საბჭოს მდივნის ლევან მურუსიძის თემა "ნაციონალური მოძრაობის" მიერ არის წამოწეული.

”ყველაზე დიდი ტრაგიზმი იყო გირგვლიანის თემა, თუმცა მკვლელობები სხვაც მოახერხა ხელისუფლებამ. მინდა ქრონოლოგიურად მივყვე, რამდენიმე წლის წინ მურუსიძე სასამართლოში მეორედ აირჩიეს, თუმცა მაშინ ხმაური არ აუტეხავს არავის, არც ”რუსთავი 2”-ს, არც ენჯეოებს, ეს თემა, ”ნაციონალური მოძრაობის” აწეულია. მათ რიცხვში პრეზიდენტიც ხშირად მათ წისქვილზე ასხამს წყალს, არ მგონია მათი კაცი იყოს, მგონია, რომ მათგანაც გამოუყენებელია. მაგრამ ბევრი ჩაერთო შემთხვევით ამ საკითხში და ბევრმა დაასხა იმ წისქვილზე წყალი. თემა მათი აწეული იყო და რატომ? ეს ხელწერა მათია. რატომ მაშინ არ აგინებდნენ, მეორე თანამდებობა რომ მისცეს?! - ალბათ იმიტომ, რომ მათ აღარ ემორჩილება. ახლა წარმოაჩინეს, რომ ყველაფერი ლევან მურუსიძემ გააკეთა და არა იმ სისტემამ, რომელიც მათივე შექმნილი იყო. ეს გუნდი ედავება მას, ვისი მსხვერპლიც იყო სასამართლოც და მურუსიძეც”, - დასძინა ბიძინა ივანიშვილმა.