საქართველოს პრეზიდენტი გიორგი მარგველაშვილი კარნეგის ფონდის ბელგიის ოფისს ეწვია და ევროკავშირის ინსტიტუტების, დიპლომატიური კორპუსისა და კვლევითი ორგანიზაციებისწარმომადგენლებთან ერთად დისკუსიაში მიიღო მონაწილეობა, რომელიც მრგვალი მაგიდის ფორმატში წარიმართა.

გიორგი მარგველაშვილმა დამსწრე საზოგადოებას სიტყვით მიმართა. ქვეყნის პირველმა პირმა ყურადღება საერთაშორისო უსაფრთხოების საკითხებზე გაამახვილა და საქართველოს როლზე ისაუბრა,როგორც რეგიონული, ისე გლობალური სტაბილურობის უზრუნველყოფის თვალსაზრისით. საუბარი რეგიონის გეოპოლიტიკურ ვითარებასაც შეეხო. დისკუსიაში მონაწილეებმა ჩვენს რეგიონშიარსებული სიტუაცია განიხილეს და იმ შემაშფოთებელ გარემოზე ისაუბრეს, რომელიც ოკუპირებულ ტერიტორიებზე შეინიშნება.

ხაზგასმით აღინიშნა ბოლო დროს ხურჩაში მომხდარი შემაძრწუნებელი ინციდენტი, როდესაც საოკუპაციო ძალებმა საქართველოს მოქალაქე მოკლეს საოკუპაციო ხაზთან.

საუბარი მომავალ NATO-ს ვარშავის სამიტსა და ჩვენი ქვეყნისათვის მის მნიშვნელობასაც  შეეხო.

დისკუსიაში მონაწილეებმა საქართველო-ევროკავშირის ურთიერთობები და საქართველოს ევროკავშირში გაწევრიანების საკითხიც განიხილეს.

მნიშვნელოვანი ყურადღება ევროკავშირის მიერ საქართველოსთვის უვიზო მიმოსვლის რეჟიმის შემოღებას დაეთმო. მხარეებმა აღნიშნეს, რომ საქართველოს მხარს უჭერენ უვიზო რეჟიმის შემოღებასთანდაკავშირებით.

ევროკავშირის ინსტიტუტების წარმომადგენლები საქართველოში საარჩევნო გარემოთიც დაინტერესდნენ. საუბარი ეკონომიკურ საკითხებსაც შეეხო. ხაზგასმით აღნიშნა ახალი აბრეშუმის გზის პროექტისმნიშვნელობა და ზოგადად საქართველოს როლი, როგორც შემაკავშირებელი აზიისა და ევროპის ბაზრებს შორის.

საქართველოს პრეზიდენტმა ბრუსელში ვიზიტი კარნეგის ფონდში სტუმრობით დაიწყო.