მოსკოვში მოიერიშე მიგ-29 ჩამოვარდა
მრავალფუნქციური მოიერიშე მიგ-29 მოსკოვის ოლქში ჩამოვარდა. როგორგ ”რია ნოვოსტი” საგანგებო სიტუაციების სამსახურზე დაყრდნობით წერს, გამანადგურებლის პილოტების ბედი უცნობია.
”მიგ-29-მ კატასტროფა მოსკოვის ოლქის პუშკინის რაიონში, სოფელ მურანოვოსთან განიცადა. ორი მფრინავის ბედი უცნობია. ხმელეთზე არავინ დაშავებულა”, - განუცხადა სააგენტოს სამსხაურის წარმომადგენელმა და აღნიშნა,რომ მოიერიშე სასწავლო-საწვრთნელ ფრენას ასრულებდა.
აღნიშნული ინფორმაცია ”რია ნოვოსტისთვის” ოფიციალურად ჯერ არ დაუდასტურებიათ.
