ბათუმში, მუნიციპალურ ტრანსპორტში საპილოტე ხმოვანი სიგნალი დამონტაჟდა
სტუდენტური ჯგუფის IT’s OK-ს ინიციატივით და აჭარის რადიოს მხარდაჭერით, მუნიციპალურ ტრანსპორტში #10 ადაპტირებულ ავტობუსში საპილოტე ხმოვანი სიგნალი დამონტაჟდა, რომელიც ქართულ და ინგლისურ ენებზე გაჩერებებსა და ახლომდებარე ღირსშესანიშნავ ადგილებს გამოაცხადებს, ასევე უსინათლო და შეზღუდული შესაძლებლობის მქონე პირებს გადაადგილებასაც გაუადვილებს.
ხმოვანი სიგნალი მგზავრებს მგზავრობის საფასურის გადახდასაც შეახსენებს. პროექტი საპილოტეა და წარმატების შემთხვევაში ჯერ მთელ ხაზზე, ხოლო შემდგომ სხვა მარშრუტებზეც დაინერგება.
