თამბაქოს მოხმარებაზე შეზღუდვები დაწესდება, - ამასთან დაკავშირებით საკანონდმებლო ცვლილებები პარლამენტის ბიუროს დღევანდელ სხდომაზე იქნა წარდგენილი.
კერძოდ, ცვლილებების თანახმად, საზოგადოებრივი თავშეყრის ადგილებში მწეველთათვის სპეციალური ადგილების გამოყოფა სავალდებულო იქნება, ან მოწევა მთლიანად აიკრძალება. ასევე, შესაძლოა აიკრძალოს თამბაქოს ნაწარმის, მისი აქსესუარების და მოხმარებისათვის განკუთვნლი მოწყობილობების განლაგება ვიტრინებზე, ვიტრაჟებზე, დახლზე, თაროზე და ან სხვაგან ისეთი სახით, რაც თამბაქოს პროდუქციას ხილვადს გახდის. ასევ, თამბაქოს ნაწარმის კატეგორიაში, შესაძლოა ე.წ. ელექტრონული სიგარეტიც განისაზღვროს და შეზღუდვები მის გამოყენებაზეც გავრცელდეს.

ინიციატივის ავტორი, დეპუტატი გუგული მაღრაძე განმარტავს, რომ აკრძალვები შეეხება რესტორნებს, სასტუმროებს, კაფე-ბარებს და ასე შემდეგ. თუმცა, მისივე თქმით, დაწესებულებებს 2018 წლის 1-ელ იანვრამდე მიეცემათ დრო, რომ ან მოახერხონ და ცალკე მოსაწევი ადგილები გამოყონ, ან მოწევა მთლიანად აკრძალონ.