პოლონეთის თავდაცვის მინისტრის ანტონი მაჩერევიჩის განცხადებით, რუსეთი მსოფლიოს უსაფრთხოებისათვის უდიდეს საფრთხეს წარმოადგენს.

მაჩერევიჩის თქმით, ის რომ ყველას არ ესმის რუსეთის განსხვავება დასავლეთის ქვეყნებისგან, ”სისტემატურ განმეორებით შეცდომებს იწვევს რუსეთისადმი არსებულ სტრატეგიაში.

”რუსი ხალხის მიმართ ჩემი პატივისცემა არ ცვლის ფაქტს, რომ რუსეთი მსოფლიოს უსაფრთხოებისათვის ყველზე დიდ საშიშროებას წარმოადგენს”, - ციტირებს მინისტრის სიტყვებს პოლონეთის საინფორმაციო სააგენტო PAP-ი.

მაჩერევიჩის თქმით, აღმოსავლეთ ფლანგზე ნატოს ძალების გაფართოვების გადაწყვეტილება და ალიანსის სამიტი, რომელიც ივლისის დასაწყისში ვარშავაში უნდა გაიმართოს, რუსეთიდან მომდინარე გამოწვევების შესაბამისია.