NDI-ის სადამკვირვებლო მისიის წევრის,  სემ კოპერსმითის განცხადებით, ქართული მედია რეგიონში ბევრად უფრო თავისუფალია, თუმცა შეინიშნება რუსული პროპაგანდის გავლენა.  მისივე თქმით, არის ვარაუდები, რომ აღურიცხავი თანხები მიემართება და ამით ფინანსდება სხვადასხვა პარტიები, როგორც ქვეყნის შიგნიდან, ისე ქვეყნის გარედან.

„რაც შეეხება სახელმწიფო აუდიტს, ის შეისწავლის ამ ხარვეზებს და გამოავლენს, მაგრამ მას მაინც აქვს შეზღუდული უფლებები. ზოგადად, თუ მედიაზე ვისაუბრებთ, ბევრად უფრო თავისუფალია ქართული მედია რეგიონში, თუმცა აქაც შეინიშნება რუსული პროპაგანდის გავლენა. ასევე, არის გარკვეული თვალსაზრისი, რომ „ქათული ოცნება“ დიდი ოდენობით მხარდამჭერებს დაიქირავებს, რომ ფართო მასშტაბიანი საარჩევნო გარემო ჩაატაროს. პირველ რიგში, ქცევის კოდექსი უნდა ჰქონდეთ პარტიებს, იგივე დაფინანსებასთან დაკავშირებითაც უნდა აიკრძალოს ისეთი სახსრების გამოყენება, იქნება ეს ქვეყნის გარედან თუ შიგნიდან, რომელიც არჩევნების სულისკვეთების წინააღმდეგია“, - განაცხადა სემ კოპერსმითმა.