ბაქოში ჩასულ საქართველოს პრემიერ-მინისტრს აეროპორტში აზერბაიჯანის ენერგეტიკის მინისტრი ნატიკ ალიევი დახვდა. როგორც აზერბაიჯანული სააგენტოები იტყობინებიან, ჰეიდარ ალიევის სახელობის აეროპორტში, ირაკლი ღარიბაშვილს ნატიკ ალიევთან ერთად, აზერბაიჯანის მტავრობის სხვა მაღალჩინოსნებიც დახვდნენ.

შეგახსენებთ, რომ დღეს დილით სახელმწიფო კანცელარიის ადმინისტრაციამ ირაკლი ღარიბაშვილის ბაქოში ვიზიტის შესახებ გაავრცელა ინფორმაცია.

„საქართველოს პრემიერ-მინისტრი ირაკლი ღარიბაშვილი ბაქოს ეწვია. ერთდღიანი სამუშაო ვიზიტის ფარგლებში საქართველოს მთავრობის მეთაური აზერბაიჯანის პრეზიდენტს, ილჰამ ალიევს შეხვდება. მხარეები სხვადასხვა სფეროში ურთიერთთანამშრომლობის საკითხებს განიხილავენ”,- აღნიშნულია სახელმწიფო კანცელარიის მიერ გავრცელებულ ინფორმაციაში.