თბილისში, აბანოთუბანში მდებარე ექვსი აბანო, პროტესტის ნიშნად, სამი დღით მუშაობას წყვეტს. აბანოების მფლობელები მიზეზად GWP-ის მიერ წყლის მომსახურების გაზრდილი ტარიფს ასახელებენ.

აბანოების მფლობელებმა აქციაც გამართეს, აქციაში აბანოების თანამშრომლებთან ერთად მონაწილეობა მომხმარებლებმაც მიიღეს.

მათი განცხადებით, დაგროვილ დავალიანებას ვერ იხდიან, რის გამოც აბანოების დახურვა უწევთ, აბანოების მფლობელთა ინფორმაციით, ამაში მთავარი დამნაშავე GWP-სთან ერთად,  "საქართველოს ბანკია", რომელიც წყალმომარაგების კომპანიის აქციებს ფლობს.

აქციაზე ითქვა,რომ თუ აბანოს მფლობელებს დავალიანება არ ჩამოეწერებათ და წყლის ტარიფი არ შეიცვლება, ისინი პირველ ივლისს ექვსივე აბანოს საბოლოოდ დახურავენ.