ბათუმში თავდადებულის ქუჩაზე ასფალტის საფარის მეორე ფენა დაიგო
ბათუმში თავდადებულის ქუჩაზე ასფალტის საფარის მეორე ფენა დაიგო. ბათუმის მერიის ინფორმაციით, დემეტრე თავდადებულის ქუჩაზე, ჭავჭავაძისა და გიორგი ბრწყინვალეს ქუჩებს შორის მონაკვეთში 4170 კვმ ასფალტის საფარის მეორე ფენის დაგება დასრულდა. რეაბილიტაცია ჩაუტარდა ტროტუარებს, სადაც მოეწყო პანდუსები და უსინათლოთა ბილიკები.
აღნიშნული სამუშაოები ჭაობის ქუჩების კეთილმოწყობის ფარგლებში ხორციელდება, რისთვისაც ქალაქის ბიუჯეტში 19 მილიონამდე ლარია გათვალისწინებული. სამუშაოები 3 წლის განმავლობაში, ეტაპობრივად 25 ქუჩაზე უნდა ჩატარდეს.
