ინგლისის ბანკი მზად არის, რეფერენდუმის შემდეგ საფინანსო ბაზრების მხარდასაჭერად 250 მილიადი ფუნტი გამოყოს. ბანკის ხელმძღვანელმა მარკ კარნიმ განაცხადა, რომ რეგულატორი უახლოეს კვირებში მიიღებს გადაწყვეტილებას თავისი პოლიტიკის შესაძლო ცვლილებები შესახებ.

ინგლისის ბანკში მმართველი საბჭოს მორიგი სხდომა 14 ივლისს გაიმართება. თუმცა ექსპერტები ვარაუდობენ, რომ დაინიშნება საგანგებო შეხვედრა.

კარნიმ ასევე განაცხადა, რომ ბრიტანული ბანკები ამჟამად ბევრად უკეთეს ფორმაშია არიან, ვიდრე 2008 წლის კრიზისამდე იყვნენ. მისის თქმით, სტრეს-ტესტებმა აჩვენა, რომ ბანკებს სერიოზული ვარდნის გადატანა შეუძლიათ.

დიდი ბრიტანეთის მოსახლეობის მიერ ევროკავშირიდან გასვლის გადაწყვეტილების მიღებამ და გადადგომის შესახებ დევიდ ქემერნის განცხადებამ მსოლფიო საფონდო ბირჟებზე პანიკა  გამოიწვია. ბრიტანული ფუნტის კურსმა კი დოლართან მიმართებაში ბოლო 30 წლის განმავლობაში რეკორდულად დაბალ ნიშნულს მიაღწია.

ეკონომისტთა ნაწილის მტკიცებით, ეროკავშირიდან ბრიტანეთის გასვლა ქვეყნის ეკონომიკას სერიოზულად დააზარალებს. ბანკ Morgan Stanley-ში ვარაუდობენ, რომ კომპანიებმა შესაძლოა, ქვეყანაში ინვესტიციებზე უარი თქვან, ხოლო ქვეყნის ეკონომიკის ზრდის პოტენციალი შემცირდება.