28 ივნისს, სოფელ ერგნეთში ინციდენტების პრევენციისა და მათზე რეაგირების მექანიზმის ფარგლებში მორიგი - რიგით 67-ე - შეხვედრა გაიმართება.

 მონაწილეები განიხილავენ 66-ე შეხვედრის შემდგომ პერიოდში მომხდარ ინციდენტებს, ასევე დღის წესრიგით გათვალისწინებულ სხვა საკითხებს, მათ შორის ბოლო დროს გახშირებულ უკანონო დაკავებებისა და ადამიანის უფლებების დარღვევის ფაქტებს.

გარდა ამისა, ბანერების დაყენებისა და გამყოფ ხაზზე მავთულხლართების გავლების შედეგად მოსახლეობისთვის შექმნილი პრობლემების განხილვა.

 ინციდენტების პრევენციისა და მათზე რეაგირების მექანიზმის ფარგლებში მიმდინარე შეხვედრებზე ქართულ მხარეს შერიგებისა და სამოქალაქო თანასწორობის საკითხებში სახელმწიფო მინისტრის აპარატი და სახელმწიფო უსაფრთხოების სამსახური წარმოადგენენ.