სამაუწყებლო კომპანია „რუსთავი 2“ მისი დაკვეთით გერმანულ-ამერიკული ორგანიზაცია GFK-ს მიერ ჩატარებული სოციოლოგიური კვლევის შედეგებით, საპრეზიდენტო არჩევნებში გამოკითხულთა 12,6% მხარს გიორგი მარგველაშვილს უჭერს.
კითხვაზე - შემდეგ კვირას რომ საპრეზიდენტო არჩევნები ტარდებოდეს, ვის მისცემდით ხმას - გამოკითხული 2200 ადამიანიდან 12.6% მხარს გიორგი მარგველაშვილის უჭერს. „რუსთავი 2“-ის ცნობით, სოციოლოგიური კვლევის შედეგებში, მეორე ადგილს იკავებს დავით ბაქრაძე 9.9%-ით.
საპრეზიდენტო არჩევნებში მიხეილ სააკაშვილს ხმას მისცემდა 7.1%, პაატა ბურჭულაძეს 5.4%. 5.0% უჭერს მხარს ირაკლი ალასანიას. შალვა ნათელაშვილს ანიჭებს უპირატესობას გამოკითხული მოსახლეობის 3.1%.
გიორგი კვირიკაშვილი მისაღებია მხოლოდ 2.6%-ისთვის. ბიძინა ივანიშვილის მხარდამჭერია 2%. ასევე 2% მისცემდა ხმას ნინო ბურჯანაძეს. 2200 ადამიანიდან 1.1 %-ისთვის არის მისაღები ირაკლი ღარიბაშვილის კანდიდატურა.
დავით თარხან-მოურავს ხმას აძლევს 0.7%. ლევან ვასაძეს 0.6%. 0.4%-ისთვსი არის მისაღები დავით სერგეენკო.
ირმა ინაშვილის კანდიდატურას უჭერს მხარს 0.4%.ასევე 0.45 უჭერს მხარს გიორგი ვაშაძეს. გიგი უგულავა მოსწონს 0.3%-ს. დავით უსუფაშვილის მხარდამჭერი აღმოჩნდა 0.3%. გიორგი თარგამაძის მომხრეა 0.2% და ასევე სალომე ზურაბიშვილის მომხრეა 0.2%.
სახელისუფლებო კანდიდატი გამოკითხული მოსახლეობის 0.2%-ისთვის არის მისაღები.
„რუსთავი 2“-ის ცნობით, გამოკითხვა 7 ივნისიდან 22 ივნისის ჩათვლით ჩატარდა და მასში 2 200-მა ადამიანმა მიიღო მონაწილეობა. საშუალო ცდომილების ზღვარი +/- 2.1 პროცენტია.