დიდი ბრიტანეთის თავდაცვის სამისტრომ უარყო პრესაში გავრცელებული ინფორმაცია იმის შესახებ, თითქოს გაერთიანებული სამეფოს სამხედრო თვითმფრინავებმა რუსული თვითმფრინავების მტრული ქმედებების შემთხვევაში მათ წინააღმდეგ რაკეტების გამოყენების ბრძანება მიიღეს.
უწყების წარმომადგენელი თავდაცვის სამინისტროს ოფიციალურ ბლოგში წერს, რომ ეს სიმარტთლეს არ შეესაბამება.
მანამდე ბრიტანული გამოცემა Daily Star Sunday გაერთიანებული სამეფოს თავდაცვის სამინისტროს წყაროზე დაყრდნობით წერდა, რომ ბრიტანეთის საჰაერო-სამხედრო ძალებს რუსული სამხედრო თვითმფრინავების შეტევის შემთხვევაში ცეცხლის გახსნის უფლება მისცეს.
გამოცემის ვერსიით, დიდი ბრიტანეთის ხელისუფლებამ შესაბამისი გადაწყვეტილება მას შემდეგ მიიღო, რაც სირიაში რუსეთის სამხედრო ოპერაციამ ახლო აღმოსავლეთში სიტუაცია მკვეთრად გაამწვავა.