ბათუმს მღრნელებისგან „ათავისუფლებენ“. ბათუმის მერიის ინფორმაციით, ქალაქის ტერიტორიის დეზინსექცია-დერატიზაცია გრძელდება. მწერებისა და მღრღნელების გასაუვნებელყოფად იტალიური ეზოებისა და მრავალბინიანი სახლების სარდაფები და ნაგავშემკრები კონტეინერები სპეციალური ხსნარით იწამლება. ასევე იწამლება ღია არხები და დაჭაობებული ტერიტორიები. პროგრამით ასევე გათვალისწინებულია ქალაქის ტერიტორიის დერატიზაცია - ლიფტებისა და სარდაფების მღრღნელების საწინააღმდეგო სითხით დაწამლვა.
მაისიდან ოტქომბრის ჩათვლით სადეზინსექციო სამუშაოები თვეში ორჯერ ხორციელდება.
აღნიშნულ ღონისძიებებზე ყოველდღიურად 3 ჯგუფი მუშაობს, რომლებიც გამოყოფილი უბნების მიხედვით აწარმოებენ სადეზინსექციო და სადერატიზაციო სამუშაოებს.
პროგრამას მერიის სანიტარიული ზედამხედველობის განყოფილება ახორციელებს, პროგრამით გათვალისწინებულ მომსახურებას კი ტენდერში გამარჯვებული შპს ,,სანდასუფთავება“ ასრულებს. სამუშაოებისთვის ბიუჯეტიდან 302 ათას 396 ლარია გამოყოფილი.
დამატებითი ინფორმაციისთვის შეგიძლიათ მიმართოთ მერიის სანიტარიული ზედამხედველობის განყოფილებას შემდეგ ნომერზე: 27 69 13.