„ირაკლი ალასანია - თავისუფალი დემოკრატების" დიდუბის მაჟორიტარი დეპუტატობის კანდიდატი ლევან სამუშია ზაჰესის დასახლებაში მცხოვრებ მოქალაქეებს შეხვდა და მათი პრობლემები მოისმინა.

ზაჰესის მოსახლეობა ქალაქის მერიიდან და არჩეული მაჟორიტარი დეპუტატებისგან სრულიად მიტოვებულია და აწუხებთ მრავალი საყოფაცხოვრებო პრობლემა. ზაჰესის დასახლების ქუჩებზე არ არისსაკანალიზაციო გაყვანილობები. ასევე მოსახლეობას აწუხებს საგზაო პრობლემები და საჭიროების შემთხვევაში, გამოძახების დროს ვერ მიდის სასწრაფო დახმარება. ასევე არ არის კორპუსებში ლიფტები.

ზაჰესის დასახლებაში მცხოვრებლების ინფორმაციით, მათ მრავალჯერ მიმართეს მაჟორიტარ დეპუტატს, ასევე თბილისის მერიას, თუმცა მათი პრობლემები კვლავ გადაუჭრელია.

''ამ ტერიტორიაზე კანალიზაცია პირდაპირ მოედინება ქუჩებში და შედის საცხოვრებელი სახლების ეზოებში. მოსახლეობას პირბადეებით უწევს გადაადგილება, არაფერი რომ არ ვთქვათ ბავშვბზე, რომლებიც ანტისარიტარიულ პირობების გამო ეზოშიც კი ვერ თამაშობენ. არაერთი მოთხოვნის მიუხედავად ხალხი კვლავ მიტოვებულია.

მოვუწოდებ თბილისის მერიას, ასევე გამგებელს, დროულად გამოფხიზლდნენ და დაინტერესდნენ მოქალაქეების პრობლემებით", - განაცხადა ლევან სამუშიამ.