საქართველოს პარლამენტის წევრი, გუგული მაღრაძე ახლახან პარიზიდან დაბრუნდა, სადაც როგორც ევროსაბჭოს საპარლამენტო ასამბლეის თანასწორობის და ნონ-დისკრიმინაციის კომიტეტისწევრი, კომიტეტის მუშაობაში მონაწილეობდა. 

კომიტეტის სხდომაზე განიხილეს ევროპასა და მთელს მსოფლიოში არსებული ისეთი მწვავე საკითხები როგორიცაა: კიბერ-დისკრიმინაციის და სოციალურ მედიაში სიძულვილის გამოვლენისადა ტირაჟირების წინააღმდეგ ბრძოლა, ბოშების და სხვა ე. წ. მოხეტიალე ჯგუფების უფლებების დაცვა და მათი საზოგადოებაში ჩართულობის ხელშეწყობა, საჯარო სივრცეში ქალთაუფლებების დაცვა და ეკონომიკაში ქალთა ჩართულობის გაძლიერება.

აღნიშნულ საკითხებთან დაკავშირებით, სხდომაზე, საკუთარი ხედვები წარადგინა გუგული მაღრაძემ. „საინფორმაციო ტექნოლოგიების გავრცელებას თან მოჰყვა ბევრი უარყოფითი პრობლემისწარმოშობა, მაგრამ პროგრესის შეჩერება შეუძლებელია. ამიტომ, ამ სფეროებში არსებული გამოწვევების დაძლევაში, ყურადღება უნდა გავამახვილოთ ისევ ტექნოლოგიური მიღწევებისგამოყენებაზე, სოციალურ მედიაში ადამიანის ძირითადი უფლებების დარღვევის, პერსონალური ინფორმაციის გავრცელების, იმთავითვე ამორალური ინფორმაციის გამრავლების წინააღმდეგკანონმდებლობის გამკაცრებასა და ერთობლივი ღონისძიებების განხორციელებაზე მთელი მსოფლიოს მასშტაბით", - განაცხადა გუგული მაღრაძემ.

სხდომაზე განსახილველი მეორე საკითხი, რეზოლუციის მუხლს ეხებოდა ადგილობრივი ხელისუფლებისთვის ვალდებულების დაკისრებას შესახებ ბოშათა და სხვა მოხეტიალე ჯგუფებისჩართულობით მათი საცხოვრებელი ფართობებით უზრუნველყოფის საკითხებში.

როგორც გუგული მაღრაძემ აღნიშნა, სერიოზულ პრობლემებს შეუქმნის ადგილობრივი თვითმმართველობებს ევროსაბჭოს წევრ ქვეყნებში. ამიტომ მისი და სხვა დეპუტატების მოთხოვნით ესმუხლი შეიცვალა.

საინტერესო დისკუსია გაიმართა საჯარო სივრცეში ქალთა უფლებების დარღვევის გარშემო, რაც დასავლეთ ევროპაში მიგრანტთა დიდი ნაკადების შემოსვლის შემდეგ განსაკუთრებით გახშირდა.გუგული მაღრაძის თქმით, საფრანგეთის მთავრობის მიერ საჯარო სივრცეში ჩადრით სიარულის აკრძალვამ მწვავე დებატები გამოიწვია, რომელსაც როგორც კრიტიკოსები, ისე დამცველები ჰყავს.

დისკუსიისას, მორწმუნეთა რელიგიურ გრძნობებზე ხდებოდა ხაზგასმა, რაც გუგული მაღრაძის გამოსვლაში მიჩნეული იქნა საკითხის არასწორად დასმად. „ერთია სხვადასხვა რელიგიისადამიანთა უფლებების დაცვა და სხვაა საზოგადოებრივი თავშეყრის ადგილებში ქცევის წესები, რაც დადგენილია და რისი დაცვაც საჭიროა ყველა იმ ადამიანის მიერ, ვინც ამ საჯარო სივრცითსარგებლობს", - განაცხადა გუგული მაღრაძემ. ამ კონტექსტში მან რელიგიური იდენტურობის და სეკულარულ საზოგადოებაში არსებული ნორმების ურთიერთმიმართებაზე ვრცლად ისაუბრა.

სხდომაზე ერთ-ერთი მნიშვნელოვანი განსახილველი თემა ეკონომიკაში ქალთა ჩართულობა იყო. როგორც აღინიშნა ეს საკითხი ყველგან მნიშვნელოვანია განსაკუთრებით კი იმ ქვეყნებში, სადაცუმუშევრობა და სიღარიბის მაღალი დონეა. „მიუხედავად იმისა, რომ საქართველოში ნაკლებად გამოხატულია ქალთა პირდაპირი დისკრიმინაცია, ადგილი აქვს ფარულ დისკრიმინაციას და ე.წ.მინის ჭერის არსებობას, რაც პოლიტიკასა და ეკონომიკაში ქალების აქტიურ მონაწილეობას აფერხებს. ამის გარეშე ძნელი იქნება რეალური სწრაფი განვითარების მიღწევა, რაც საქართველოსდღევანდელი ხელისუფლების მთავარი ამოცანაა. ამიტომ ეს საკითხი გამუდმებული ზრუნვის საგანი უნდა გახდეს", - განაცხადა გუგული მაღრაძემ.

დასასრულ, ევროსაბჭოს საპარლამენტო ასამბლეის თანასწორობის და ნონ- დისკრიმინაციის კომიტეტის შემდეგ სხდომაზე განსახილველ საკითხთა ნუსხა და კომიტეტის გარე ღონისძიებებიგანისაზღვრა, რომელშიც კომიტეტის წევრთა მონაწილეობაა დაგეგმილი.