დღეს ერთიანი ნაციონალური მოძრაობის ლიდერებმა გიგა ბოკერიამ და ნიკა მელიამ ერთობლივი ბრიფინგი გამართეს, სადაც ივანიშვილის გარემოცვიდან მოწოდებულ ინფორმაცია გაასაჯაროეს.
ნიკა მელიას განცხადებით ბიძინა ივანიშვილის უახლოესი გარემოცვიდან ინფორმაცია მიაწოდეს, რომლის თანახმადაც ივანიშვილმა თავის გუნდთან აღნიშნა, რომ არჩევნებზე არასაურველი შედეგის შემთხვევაში, ის ქვეყნის დატოვებას აპირებს.

მელიას განცხადებით სწორედ ამას უკავშირდება ბოლო დღეების ისტერიული ფონი და ქმედება, რომლითაც ხელისუფლებისა და ძალოვანი სტრუქტურების წარმომადგენლები დაკავდნენ.
გიგა ბოკერიამ მოუწოდა ივანიშვილს და მის გარემოცვას, რომ არჩევნებში დამარცხების შემდეგ, უბრალოდ   ოპოზიციაში გადავიდნენა,  რადგან ეს ჩვენი ქვეყნის ნორმალურ და ევროპულ განვითარებას სჭირდება.
ნაციონალური მოძრაობის ლიდერების განცხადებით, გუნდში სრული კონსესუსია ამ თემაზე და ივანიშვილის არაერთი დანაშაულის მიუხედავად, არჩევნების შემდეგ არ უნდა განხორციელდეს სისხლისამართლებრივი აქტები.