ავსტრიის კანცლერმა სებასტიან კურცმა გაზეთ Welt-თან ინტერვიუში სირიაში თურქეთის ქმედება გააკრიტიკა და ევროკავშირს მოუწოდა შეწყვიტოს თურქეთთან მოლაპარაკებები ევროკავშირში გაწევრიანების შესახებ.

„იმის გათვალისწინებით, რომ ადამიანის უფლებებისა და დემოკრატიის ფასეულობების საფუძვლების სისტემატური დარვევებია, ასვე ის, რომ კოპენჰაგენის კრიტერიუმები არ სრულდება, ევროკავშირსა თურქეთს შორის ევროკავშირში თურქეთის გაწევრიანების შესახებ მოლაპარაკებები უნდა შეწყდეს“, - განაცხადა კურცმა.

ამასთან მან აღნიშნა, რომ თურქეთი ევროკავშირის მნიშვნელოვან სტრატეგიულ პარტნიორად რჩება, რომელმაც უნდა ითანამშრომლოს სამეზობლოს კონცეფციის ფარგლებში.

როგორც ცნობილია, 20 იანვარს თურქეთის შეიარაღებულმა ძალებმა სირიის აფრინის რაიონში სამხედრო ოპერაცია „ზეთისხილის რტო“ დაიწყეს. ხელისუფლების განცხადებით, ოპერაცია მიმართულია ქურთთა მუშათა პარტიისა და „ისლამური სახელმწიფოს“ მებრძოლების წინააღმდეგ.