ნიგერიაში მებრძოლთა თავდასხმას 18 ადამიანი ემსხვერპლა
18 ადამიანი დაიღუპა და 84 დაიჭრა ნიგერიაში „ბოკო ჰარამის“ მებრძოლთა თავდასხმის შედეგად. მომხდარის სხვა დეტალები ჯერ უცნობია.
ნიგერიაში მოქმედი რადიკალარი ისლამისტური დაჯგუფება „ბოკო ჰარამი“ განათლების დასავლური მოდელის წინააღმდეგ და ქვეყანაში შარიათის შემოღებისთვის იბრძვის. უფლებადამცველი ორგანიზაციების მონაცემებით, „ბოკო ჰარამის“ ძალადობრივი ქმედებების შედეგად რვა წლის განმავლობაში 20 ათასი ადამიანია მოკლული.
