საფრანგეთის კუნძულზე ვულკანმა გაიღვიძა
საფრანგეთის კუნძულ რეიუნიონზე, ინდოეთის ოკეანეში ვულკანმა პითონ-დე-ლა-ფურნეზმა გაიღვიძა. ამის შესახებ კუნძულის ხელისუფელბის განცხადებაშია ნათქვამი.
ამასთან კუნძულის ბინადართა უსაფრთხოების მიზნით, ხელისუფლებამ საგანგებო მდგომარეობა შემოიღო. ვულკანის შემოგარენში მიახლოება გაურკვეველი დროით შეიზღუდა.
პითონ-დე-ლა-ფურნეზის მაქსიმალური სიმაღლე 2632 მეტრს შეადგენს, ის კუნძულის დაუსახლებელ ნაწილში მდებარეობს. კუნძული საფრანგეთის მფლობელობაში 1642 წლიდან იმყოფება.
