YouTube მსოფლიოს მასშტაბით თავისი ოფისების დაცვას აძლიერებს
კალიფორნიის შტატში YouTube-ის შტაბ-ბინაში მომხდარი თავდასხმის შემდეგ კომპანია Google-მა მთელს მსოფლიოში თავის ოფისებში უსაფრთხოების ზომები გაამკაცრა.
„ჩვენ დეტალურად შევისწავლით ინციდენტს და გავაძლიერებთ არსებულ უსაფრთხეობის ზომებს მთელი მსოფლიოს მასშტაბით ყველა ოფისში, რათა გრძელვადიან პერსპექტივაში ისინი უფრო დაცული გავხადოთ“, - ნათქვამია კორპორაციის განცხადებაში.
3 აპრილს YouTube-ის ოფისში შეიარაღებული 39 წლის ნასიმ აგდამი შეიჭრა და ცეცხლი გახსნა. ინციდენტის შედეგად დაიჭრა ოთხი ადამიანი. მომხდარის შემდეგ ქალმა თავი მოიკლა.
თავდასხმის ზუსტი მიზეზები ჯერ დაუდგენელია.
