ერევანში სომხეთის პრემიერ-მინისტრის პოსტზე ექს-პრეზიდენტის სერჟ სარგსიანის  კანდიდატურის დასახელებას აპროტესტებენ. აქციის მონაწილეებმა გადაკეტეს ერევნის ცენტრალური ქუჩები.

სამართალდამცველები პროტესტანტებს ქუჩების გათავისუფლებისკენ მოუწოდებენ,  თუმცა მათ წინააღმდეგ აქტიურ ზომებს ჯერ არ მიმართავენ.

გუშინ ოპოზიციის ერთ-ერთმა ლიდერმა ნიკოლ პაშინიანმა განაცხადა, რომ მისი მომხრეები ხიდების, ქუჩებისა და მეტროსადგურების ბლოკირებას მოახდენენ.

მმართველი რესპუბლიკური პარტიის წარმომადგენლემა არმენ აშოტიანმა განაცხადა, რომ სარგსიანის კანდიდატურა პრემიერის პოსტზე ოფიციალურად არის წარდგენილი. პარლამენტი პრემიერის კანდიდატურას კენჭს 17 აპრილს უყრის.