ძლიერი აფეთქების შედეგად 6 პოლიციელი დაშავდა
ამერიკის კონექტიკუტის შტატში სპეცოპერაციის დროს მომხდარი აფეთქების შედეგად ექვსი სამართალდამცველი დაშავდა.
პოლიციელები ერთ-ერთ საცხოვრებელ სახლში, მძევლის გასათავისუფლებლად იმყოფებოდნენ. მამაკაცს თავისი ცოლი ჰყავდა დაკავებული და სახლიდან გასვლის საშუალებას არ აძლევდა.
მოლაპარაკებების პროცესში სარდაფში ძლიერი აფეთქების ხმა გაისმა. დაშავდა 6 პოლიციელი.
დაშავებულები საავადმყოფოში გადაიყვანეს. მათ სიცოცხლეს საფრთხე არ ემუქრება. თუ რა გახდა აფეთქების მიზეზი, უცნობია.
