აშშ-ის პრეზიდენტის დონალდ ტრამპის შიშველი ქანდაკება ლოს-ანჯელესში აუქციონზე 28 ათას დოლარად გაიყიდა. ამის შესახებ The New York Post-ი წერს.

აუქციონი Julien's Auctions-მა გამართა.

აღნიშნულია, რომ ქანდაკება მოჩვენებების შესახებ გადაცემის წამყვანმა ზაკ ბეგანსმა შეიძინა. ბეგანსი მის გადატანას ლას-ვეგასში თავის პარანორმალური მოვლენების მუზეუმში აპირებს.

საუბარია რამდენიმე ქანდაკებაზე, რომელიც არასამთავრობო ორგანიზაცია Indecline-მა  2016 წელს რამდენიმე ქალქში დადგა, მათ შორის ნიუ-იორკში, ლოს-ანჯელესში, სან-ფრანცისკოსა და სიეტლში. ამასთან ეს ქანდაკება ერთადერთია, რომელიც  ვანდალებს გადაურჩა.

მომავალში ქანდაკების მფლობელი მის  უფრო ძვირად გაყიდვას გეგმავს.

ბეგანსმა აღნიშნა, რომ პოლიტიკა არ აინტერესებს  და სკულპტურა მისთვის მნიშვნელოვანია მხოლოდ იმიტომ, რომ ის საზოგადოების ფართო განხილვის თემა გახდა. ამასთან ორგანიზაცია Indecline-მა განაცხადა, რომ ქანდაკებები 2016 წელს საპრეზიდენტო არჩევნებში ტრამპის მონაწილეობის პროტესტის ნიშნად დაიდგა.