გერმანელმა ექიმებმა კანცლერს ანგელა მერკელს შაქარზე გადასახადების შემოღება სთხოვეს. შესაბამისი თხოვნით კანცლერს, მინისტრებსა და პოლიტიკოსებს ორი ათასზე მეტმა ექიმმა მიმართა და მოუწოდა სახელმწიფოს დონეზე დაიწყოს ბრძოლა ტკბილი პროდუქტების გადამეტებული გამოყენების წინააღმდეგ.

სპეციალისტები ხელისუფლებას მოუწოდებენ შემოიღონ შეზღუდული საკანონმდებლო ზომები, რომლებიც მოიცავს გადასახადებსა და აქციზებს პროდუქტზებე შაქრის მაღალი შემცველობით. ამის გარდა ისინი მოითხოვენ ბავშვებისთვის განკუთვნილი ტკბილეულის რეკლამის აკრძალვასაც.        

ექიმების აზრით, სიმსუქნისა და დიაბეტის გავრცელების შეჩერება  გერმანიაში შეუძლებელია აღნიშნული ზომების გარეშე.

დიდ ბრიტანეთში ძალაში უკვე შევიდა გადასახადები შაქარზე, რომელიც ვრცელდება უალკოჰოლო სასმელებზე, რომელთა შემადგენლობაში შაქრის შემცველობა ნორმას აჭარბებს.