საფრანგეთის პრეზიდენტმა ემანუელ მაკრონმა, გერმანიის კანცლერმა ანგელა მერკელმა და დიდი ბრიტანეთის პრემიერ-მინისტრმა ტერეზა მეიმ ერთობლივ განცხადებაში სინანული გამოთქვეს ვაშინგტონის ირანის ბირთვული შეთანხმებიდან გასვლისა და თეირანის მიმართ სანქციების აღდგენის გადაწყვეტილების შესახებ.

 „ვწუხვართ და შეშფოთებულები ვართ აშშ-ის პრეზიდენტის დონალდ ტრამპის გადაწყვტილებასთან დაკავშირებით. ჩვენ ვინარჩუნებთ ერთგულებას ერთობლივი სამოქმედო გეგმის მიმართ. ეს შეთანხმება ჩვენი საერთო უსაფრთხოებისთვის  მნიშვნელოვანია“, - ნათქვამია განცხადებაში.

 „მოვუწოდებთ ირანს გამოიჩინოს თავშეკავება აშშ-ის გადაწყვტილების საპასუხოდ. ირანმა უნდა შეასრულოს თავისი ვალდებულებები შეთანხმების ფარგლებში და დროულად ითანამშრომლოს მაგატეს ისნპექციებთან“, - აღნიშნულია სამი ქვეყნის ლიდერსი განცახდებაში.

როგორც ცნობილია, ტრამპმა გუშინ ხელი მოაწერა ირანის ბირთვული შეთანხმებიდან გასვლის ბრძანებულებას და განაცხადა, რომ თეირანის მიმართ სანქციების აღდგენას აპირებს.