60-ზე მეტი ადამიანი დაიღუპა და ათობით დაშავდა ინდოეთში ქვიშის ქარიშხლისა და ძლიერი წვიმის შედეგად.

მედიის ცნობით, უამინდობამ სერიოზულად დააზიანა რამდენიმე შტატი.

სტიქიას ყველაზე მეტი მსხვერპლი უტარ-პრადეშის შტატში მოყვა. აქ 38 ადამიანი დაიღუპა. დაინგრა 100-მდე საცხოვრებელი სახლი. დასავლეთ ბენგალიაში 12 დაღუპულის შესახებ ვრცელდება ინფორმაცია, მათ შორის არიან ბავშვები. დელიში ქვიშის ქარიშხალმა ხუთი ადამიანის სიცოცხლე იმსხვერპლა.

სინოპტიკოსები უახლოესი დღების განმავლობაში ამინდის გაუმჯობესებას არ ელოდებიან. ამასთან დაკავშირებით ხელისუფლება შიშობს, რომ მსხვერპლის რაოდენიბა კიდევ უფრო გაიზრდება.

ინდოეთში ქვიშის ქარიშხლის ეს უკვე მეორე შემთხვევაა. 3 მაისს   სტიქიური უბედურების შედეგად 100-ზე მეტი ადამიანი დაიღუპა.