იორდანია იერუსალიმში ამერიკის საელჩოს გახსნას გმობს
იორდანიის მთავრობა მიიჩნევს, რომ იერუსალიმში აშშ-ის საელჩოს გახსნა გაეროს ქარტიისა და საერთაშორისო რეზოლუციების უხეში დარღვევაა.
აშშ-ის პრეზიდენტმა დონალდ ტრამპმა გასული წლის დეკემბერში იერუსალიმი ისრაელის დედაქალაქად აღიარა და იქ ამერიკის საელჩოს გადატანის შესახებ განაცხადა.
ტრამპის გადაწყვეტილებამ პალესტინელბსა და არაბული სამყაროს რიგ ქვეყნებში პროტესტი გამოწვია. იერუსალიმში აშშ-ის საელჩოს გახსნის ცერემონია დღეს ისრაელის შექმნის 70-ე წლისთავზე გაიმართება.
ისრაელი იერუსალიმს თავის ერთადერთ და განუყოფელ დედაქალაქად მიიჩნევს. მათ შორის მის აღმოსავლეთ რაიონებსა და ოსტორიულ ცენტრს.
